پنجشنبه 25 آبان1385
(و بیر گون )
تانرینین منه گؤردویو یوخوسونا دلیجه سینه جوماجاغام
بیرگون. باغیراجاغام. چیغیراجاغام
آی دؤنوم لر. آی دؤنگه لر!
قاتار-قاتارکئچیلن چاغلاریمی آنلامادیغیما قیشقیراجاغام
آنلاتیلمدیغیما شیلتاقلیق ائده جه یم سیرتیق جوجوق لارکیمی
باش ایمییه جه یم کیمسه سیز ناخیش لارا
نه یاخشی بیرگون .آیدین -آییق گئجه لرده یوخودان دورمایاجاغام
قارانلیق لار بوغازیندان توپوره جه یم
قارا- قانچیل نیسگیل لریمی
آغلایاجاغام مین ایلیک سون سوز جاسینا سورگونلویومو
چؤره ک سیز ال لریمده
بوش بؤیرومو توتا - توتا تانریما
آلنیمدا دوشونجه لی قیریشیقلاری
و گؤزومده کی پارلاق گونش لری
هئ...ی دیلیمده دیله گلمز ماهنی لاریمی
ویازمادیغیم نیسگیل لی قوشقولاریمی
پای آپاراجاغام بوتایدان - اوتایا
قورتاراجاغام . دؤیونمک لریمی. دئیینمک لریمی
آ.....ه .نه قدر سوسوزام هئچ دوداقلارینا گؤزباخدیقجا
دئمه لی بوگون اوبیر گون دیر
(سوسقون)
